Hauetako bat aretxabaletarra da

Argazki bitxia iritsi zaiguna. Franco eta Hitler barrez eta ikurrinari eusten. Argazkia ez da aspaldikoa, eta bi diktadoreak inoiz ez ziren ikurrinarekin horrela azaldu. Honako argazkia abenduan ateratakoa da, eta Hitler diktadorearen papera aretxabaletar batek egin zuen. Nor da? Ezagutzen duzu?

ETB dokumental sorta ari da grabatzen, eta horietako baterako aretxabaletar bat aukeratu zuten. Hitler diktadorearen papera egitea egokitu zitzaion. Argazkian, Franco eta Hitler ageri dira, azken hori Hendaiara iritsi zeneko unea jasotzeko helburuz. Hain justu, Salva Rodriguez, Arlutzeko tabernariak egin zuen Hitlerren papera. Argazkiari begiratuta, ezin esan Salva denik, izan ere orrazkerak eta biboteak zer egin dezaketen! Dokumentala ikusteko irrikitan egongo da asko eta asko.

ALBISTEAK MUGIKORREAN

Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!

WHATSAPP: Bidali ALTA 688 69 00 07 telefono zenbakira –Whatsapp bidez–.

TELEGRAM: Batu zaitez @GoienaAlbisteak kanalera.