Bruesakoek adierazi moduan, ahal izanez gero, datorren astelehenean jarriko dute zerrenda ikusgai, baina ezin dute ziurtatu hala izango denik. Hori bai, egun bat beranduago, martitzenean, zerrenda jarriko dute Bruesak herrian duen bulegoan eta udaletxean. Bi edo lau hilabete barru, berriz, etxebizitzen planoak erakutsiko dira, eta martxoan edo apirilean lurrak mugitzen hasteko asmoa dute. Urbanizazio guztia, babes ofizialeko etxeak barne, 2008ko amaieran bukatzea aurreikusten dute.