Astelehenean jarriko dute ikusgai onartutakoen zerrenda Bruesa enpresan eta Udaletxean

Udalak finkatutako salneurrian salduko diren 185 etxebizitzen harira, datorren astelehenetik aurrera jakin ahal izango da zeintzuk izan diren onartuak. Zerrenda hil honen 15etik aurrera ikusgai izango da Bruesa eraikuntza enpresak Araba etorbidean duen bulegoan, eta Udaletxean. Guztira 286 lagunen eskariak onartu dituzte, baina zerrendatik kanpo geratu direnek, alegazioak aurkezteko aukera izango dute, abenduaren 9a baino lehen. 500 lagunek baino gehiagok egin zuten eskaria.

Kirol etxetik Lausitara bitartean hainbat etxebizitza egingo dituzte, eta horietako batzuk Udalak finkatutako salneurrian salduko dira. 32 milioi pta baliko du etxebizitza bakoitzak, BEZ zerga kontuan hartu barik.

Duela hilabete batzuk izena emateko epea ireki, eta orain, onartutakoen zerrenda ikusgai jarriko dute. Alegazioak egiteko epea bukatu eta horiek aztertu ondoren, 185 etxebizitzen zozketa egingo da, urtea bukatu baino lehenago.

ALBISTEAK MUGIKORREAN

Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!

WHATSAPP: Bidali ALTA 688 69 00 07 telefono zenbakira –Whatsapp bidez–.

TELEGRAM: Batu zaitez @GoienaAlbisteak kanalera.