Hamasei lagun elkartu ziren joan den eguaztenean, kirol etxearen eta etorkizuneko kirol jardueren inguruko hausnarketa saioan. Udalak herritarren iritziak jakin nahi ditu, eta bide batez, herriak kirol alorrean zein behar dituen zehaztu, ondoren proiektua egingo duten arkitektuei helerazteko.
Hausnarketa saioa izan zen lehengo egunekoa, baina segituan igerilkuaren gaia jarri zuten mahai gainean. Gehienek zioten, herriak behar duela igerileku dezente bat, baina kontua litzateke zelakoa behar duen izan: udan eta neguan erabiltzeko modukoa? udarako bakarrik eta ondoren neguan estali eta beste zerbaiterako erabili?
Izan zen Urkulu inguruan igerilekua egitea proposatu zuenik ere.
Bestalde, kantxek eta frontoiak bakoitzak bere aldetik joan behar duten ere eztabaidatu zen. Beste kontu batzuk ere mahai gainean jarri zituzten gerturatutakoek. Hala nola, bailaran ez dagoen kirol eskaintzaren bat egin behar dela herrian. Hilaren bukaeran beste bilera bat egingo da.
ALBISTEAK ESKUKO TELEFONOAN
Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!
WHATSAPP: Bidali ALTA 688 69 00 07 telefono zenbakira –Whatsapp bidez–.
TELEGRAM: Batu zaitez @GoienaAlbisteak kanalera.
ASTEBURUETAKO BULETINA
Zure posta elektronikoan asteburuko albiste nabarmenekin osatutako mezua jasoko duzu. Harpidetu zaitez debalde hemen.
Harpidetza aukera guztiak