Ohiturari jarraituz iraileko lehenengo astelehenean Arantzazura hurreratuko dira aretxabaletarrak. Helburua da Amabirjinaren bederatziurrenean parte hartzea. Batzuk oinez joango dira, zinegotziren bat edo beste ere bai, beste batzuk Basotxo Erretiratuen Elkarteak antolatutako autobusetan, eta autoetan ere gerturatuko dira. Meza entzungo dute lehenengo, 12:00etan hain zuzen, eta ostean bazkaltzera geldituko dira gehienak. Udalbatzak Zelai Zabal jatetxean bazkalduko du, eta herritarrek Arantzazuko Hospederian.