Arizmendi Ikastolako ikaslea da Mikel Barrenetxea aretxabaletarra. Joan den ekainaren 19an Batxilergoko Aparteko Saria lortzeko froga egin zuen Gasteizen eta emaitza bikaina lortu zuen. Unibertsitatean ikasketak egiteko beka bat eta atzerrian hilabetez ingelesa ikasteko bidaia jaso ditu sari gisa.
Froga horretara aurkeztu ahal izateko, Batxilergoko bi mailetan lortutako noten batezbestekoa 8,75 puntu edo gehiagokoa izan behar da. Batxilergoan matrikulatutako 1.000 ikasletik bakarrari ematen zaio sari hori.
Unibertsitaterako beka eta hilabeteko bidaia
Bi sari lortu ditu Mikelek. Alde batetik, frogan lortutako nota eta Batxilergoko batezbestekoa 8,75 puntu edo gehiagokoa izateagatik, unibertsitateko ikasketak egiteko beka bat. Bestalde, lortu du ingelesa ikasteko atzerrira bidaia, hilabete baterako. Hurrengo urteko udan egingo du bidaia. Bigarren sari hori lortzeko, aurkeztu diren 250 ikasle ingurutik 18 onenen artean gelditu behar izan du Mikelek.
ALBISTEAK ESKUKO TELEFONOAN
Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!
WHATSAPP: Bidali ALTA 688 69 00 07 telefono zenbakira –Whatsapp bidez–.
TELEGRAM: Batu zaitez @GoienaAlbisteak kanalera.
ASTEBURUETAKO BULETINA
Zure posta elektronikoan asteburuko albiste nabarmenekin osatutako mezua jasoko duzu. Harpidetu zaitez debalde hemen.
Harpidetza aukera guztiak