Aste honetan hasiko dira, eguenean, hain zuzen, eta hilaren 29era arte, antzerkia, berbaldiak, ipuin eta olerki emanaldiak eta idazleekin topaketak izango dira Kurtzebarri ikastetxean. Adin guztietako ikasleendako proposamenak daude, eta guraso eta irakasleek ere parte hartu dute.
Hona hemen aurtengo egitaraua:
- Eguena, 22, arratsaldean: Iñaxitoren ametsak bertso-antzerki emanaldia, HH-ko 5 urteko eta LH-ko ikasleendako.
- Egubakoitza, 23, goizean: Aizpea Goenaga idazlearekin berbaldia, 5. mailakoendako.
- Astelehena, 26, goizean: 34 ikasleen liburua, DBH-ko 1. mailakoendako; arratsaldean: Zu protagonista nobela-solasaldia, DBH-koek 6. mailakoei eskainia; eta ikus-entzunezko erreportajeak, DBH-koek LH-ko 4. mailakoei eskainia.
- Martitzena, 27, goizean: Maite Gonzalez idazlearekin hizketaldia, DBH-ko 2. mailakoendako; eta olerki eta aho-korapilo emanaldia, HH-ko 3 eta 4 urtekoek LH-ko 1. eta 2. mailakoei eskainia.
- Eguaztena, 28, goizean: ipuin eta olerki emanaldia, irakasleek HH-ko ikasleei eskainia; eta arratsaldean, bertsolari gazteen emanaldia, LH-ko 5. eta 6. eta DBH-ko 1. mailako ikasleendako.
- Eguena, 29, egun osoan: XIII. Irakur Maratoia, ikasle guztiendako; eta 18:30ean, amaiera ekitaldia, eskolako guraso eta irakasle talde batek eskainia. Ekitaldi hori guztioi dago zabalik.