Joxe Ramon Agirre Marron mendizaleak estreinatuko du Loramendi EEk antolatutako egitarau kulturala. Urriaren 9an, eguena, Hegan 0-8000 izeneko diapositiba emanaldia eskainiko du Joxe Ramonek. Gerora, abendura bitartean musika emanaldiak, antzerki saioak eta kontzertuak egingo dituzte udaletxe zaharrean. Udazkeneko egitarauak abenduaren 15ean izango du amaiera.