10 metroko altueratik behera erori zen lau urteko umea Alhambran

Atzo, eguaztena, gertatu zen istripua Granadako (Espainia) Alhambran. Aretxabaletako lau urteko umea guraso eta anaiarekin ari zen konplexu monumentala ikusten. Inor konturatu gabe Acequia del Generalife izeneko patioa inguratzen duen jauregiko leiho batera igo, segurtasun barra igaro eta 10 metroko altueratik erori zen. Momentu honetan Granadako Traumatologia ospitaleko Zainketa Intentsiboetako Unitatean dago umea. Golpe ugari ditu gorputz osoan, baina bizkarrezurra ez du kaltetuta eta egoera larrian dagoen arren, egonkor dago.

12:50ak aldera izan zen istripua. Lehenengo artatu zuena Alhambrako lorezain bat izan zen. Ondoren etorri ziren Gurutze Gorriko medikuak eta horiek artatu zuten Zainketa Intentsiboen anbulantzia eta polizia iritsi arte. Lekukoen arabera, zenbait unetan kordea galdu zuen. 14:20ak aldera eraman zuten ospitalera pronostiko larriarekin.

Kopetan golpe handia jaso zuen, kordea galdu zuen eta eskumuturra ere apurtu zuen. Oraindik ere egoera larrian dagoen arren, lehenengo iragarpenen arabera, ez ditu kaltetuta burua eta bizkarrezurra.

Alhambrako mapa


Alhambra map - Tagzania

ALBISTEAK MUGIKORREAN

Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!

WHATSAPP: Bidali ALTA 688 69 00 07 telefono zenbakira –Whatsapp bidez–.

TELEGRAM: Batu zaitez @GoienaAlbisteak kanalera.