Joan zen domekan, hilak 1, Aretxabaletan jokatu zuten, eta UDA 2-Getaria 1 izan zen emaitza. Atzo, bueltako partiduan, Orion, Getaria 2-UDA 1 egin zuten. Oso parekatuta ibili zien partidu osoan, lehenengo gola getariarrek sartu zuten lehenengo zatian, baina atsedenaldira joan baino minutu batzuk lehenago berdintzea lortu zuten aretxabaletarrek. Bigarren zatian getariarren gola iritsi zen atezainaren hutsegite baten, eta, bukatu aurretik UDAkoek aukera batzuk izan arren, ez zen gol gehiago egon.
Ondoren luzapena, eta gol barik bukatu zen. Penaltietan erabaki behar izan zuten igoera. Azkenean, aretxabaletarrek alde izan zuten zortea, eta eurek jokatuko dute 1. Erregionalean datorren denboraldian. Aretxabaletatik joandako zaleekin ospatu zuten jokalariek igoera.
UDAko 2. erregionaleko taldea mailaz igo zen atzo, Getariari irabazi ondoren, Orion. Maila horretara igotzen den bailarako hirugarren taldea da, BTLSrekin eta Mondrarekin batera.
ALBISTEAK ESKUKO TELEFONOAN
Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!
WHATSAPP: Batu zaitez Goiena albisteen kanalera.
TELEGRAM: Batu zaitez GoienaAlbisteak kanalera.
Harpidetza aukera guztiak