Lehen porrotaren ostean, liderrak aurkari izango dituzte Del Campok eta Arriolabengoak

Koldo Zubia Salas

Del Campo eta Arriolabengoa, herriartekoa irabazi zutenean. 

Arabako Binakako Txapelketako ligaxkako bosgarren jardunaldian porrot gogorra jasan zuten Asier Del Campok eta Markel Arriolabengoak. Iribarren eta Moto gehiago izan ziren, jokatutako bi setak 10-2 eta 10-0 irabazita. Finalerdietako txartelarekin, eta lau garaipenekin, sailkapenean ahalik eta goren amaitzea dute helburu aramaioarrek. Horretarako, Markaida eta Uribe liderrak garaitu beharko dituzte bihar, Lakuan (Gasteiz), goizeko hamarretan. 

Aurretik beste hitzordu bat izango du Del Campok: gaur, 19:30ean, Euskal Herriko elite mailako Lau eta Erdiko Txapelketako kanporaketa jokatuko du. Arabako Lau eta Erdiko Txapelketan txapeldunorde izan ostean, txapeldunak uko egin duelako lortu du sailkapena. Gipuzkoako txapeldunorde Ander Altunaren aurka jokatuko du, Aretako frontoian, Laudion. 

ALBISTEAK ESKUKO TELEFONOAN

Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!

WHATSAPP: Batu zaitez Goiena albisteen kanalera.

TELEGRAM: Batu zaitez GoienaAlbisteak kanalera.


Harpidetza aukera guztiak