Txukun Lakua taldeko aramaioarrak txapelketa bikaina egiten ari dira, baina, orain, lidergoa gura dute. Izan ere, postu hori lortuz gero, multzoko laugarren sailkatuaren aurka jokatuko dute final erdia; arerio errazena izan beharko lukeena. Hiru partida gelditzen dira, eta guztiak irabazi beharko dituzte horretarako. Domeka honetan, Bosgarren jardunaldian, Iribarren eta Motoren aurka jokatuko dute Gasteizko Lakua pilotalekuan, 10:15ean hasiko den jaialdian.
Bihar, bestalde, beste partida bat izango du Del Campok. Lau eta erdian, Egiguren azpeitiarraren aurka ariko da Ordoñanan, Garfek antolatutako jaialdian, 19:00etan.