Astelehenean egin zuten Kaleko Margo Lehiaketa, eta hainbat lagun ibili ziren herrian zehar margotzen.
Sariak ere banatu zituzten. Epe luzeko kategorian, hirugarren saria Edurne Uribarren-Iturrietak eskuratu zuen. Eguneko kategorian, berriz, Esteban Oroz izan zen lehenengoa, Oliver Jurado bigarrena eta Edurne Uribarren-Iturrieta hirugarrena. Aramaioko saria Sara del Campo Sanzek jaso zuen. Azkenik, umeen kategorian, Paule Avilak irabazi zuen lehen saria, Lorea Sabinak bigarrena eta Aiora Agirrek hirugarrena.
Lanak erakusketan ikusgai
Orain, Sastiñan ikusi ahalko dira margolanak, bertan jarri duten erakusketan. Gaur, egubakoitza, 18:00etatik 19:30era egongo da zabalik, eta bihar, zapatua, 11:30etik 13:30era bitartean.