Zuhaitzak eta arbolak Euskal Herrian liburuaren egile dira Markel Arriolabengoa aramaioarra, Arrasaten jaio baina Aramaion bizi den Iñaki Etxebeste eta Jakoba Errekondo. Arriolabengoak esan du aurkezpen berezia izango dela, eguenean Aramaion egingo dutena, izan ere, hiru egileetako bi Aramaion bizi dira: "Aurkezpen gehienetara hiruretako bat edo bi joaten gara, baina honetara hirurok joango gara".
Aurkezpena eguenean, kultura etxean izango da, 18:30ean.
500 orriko liburua
Euskal Herriak zuhaitzekin eta zuhaitz espezie bakoitzarekin duen harremana jasotzen du 500 orriko liburuak. Zuhaitzen identifikazioa, ezaugarriak, beharrak, zaintza, erabilera eta historia jorratzen ditu, baita istorioak, esanahiak eta bitxikeriak ere.