Hiru musikarik osatzen dute Ginka Biloba; Iker Leibarrek, Julen Ribasek eta Olatz Urkiak. Gaur, egubakoitza, Aramaion joko dute kontzertua eta zuzenekoaren indarra azpimarratu du Iker Leibar taldekideak; "Ginka Biloba diskoa ahalik eta zuzenen eta ahalik eta modu naturalenean helarazteko prest" daudela dio. Haien asmoa zuzeneko musikak ematen duen hori transmititzea da, "jendeari begietara begiratuta".
Ez dute, hala ere, kontzertuaren inguruko gehiegizko espektatibarik sortu nahi. "Musikariari ez zaiola ezer eskatu behar entzun zion behin Matxet abeslariari, eta ideia horrekin bat egiten du taldeak". Helburua esperientziaz ikastea eta, batez ere, gozatzea da. "Gure musika kontzertu aurretik baino pertsona gehiagok ezagutzen badute, horrekin pozik gaude", dio.
Debagoieneko musika eta kultur mugimenduari ere balioa eman dio Leibarrek. Agenda "gainezka" dagoela dio, eta horrek batzuetan kontzertuetarako tokiak aurkitzea zailtzen badu ere, dio badirela musikaz gozatzeko eta sortzeko espazioak.