Umeen eskolaz kanpoko ekintzak finantzatzeko dirulaguntzen helburua da hezkuntza formalaren osagarri diren jardueren bidez ikaskuntza sustatzea, baita gizarteratzea eta aukera-berdintasuna bultzatzea ere. Era berean, herritar guztiek dauden baliabideak berdintasunez eskuratu ahal izatea sustatu nahi du Udalak.
Onuradunak
Laguntzak 3 eta 16 urte bitarteko Aramaioko umeentzat izango dira. Eskatzaileek Aramaioko udalerrian erroldatuta eta eskolarizatuta egon beharko dute, eta ezarritako baldintza ekonomikoak bete beharko dituzte.
Diruz lagunduko diren ekintzak
Besteak beste, honako jarduerak lagunduko dira diruz: Haur Hezkuntzako eta Lehen Hezkuntzako musika, pilota, dantza, panderoa, trikitixa, abesbatza, bertsolaritza, multikirola, psikomotrizitatea eta irristaketa. Deialdiak antzeko beste jarduera batzuk ere barne hartu ahal izango ditu.
Aurkezteko epea
Eskaerak irailaren 15etik abenduaren 31ra aurkeztu beharko dira.