Ibarra, Eguzkierripa, Zalgo, Azkoaga, Zabola, Barajuen, Untzilla eta Suña izan ziren auzo kaltetuenak. Ortuetan eta uztatan galera handiak sorrarazi zituen txingorrak. Autoetan ere kalteak eragin zituen; eta baita errepidean ere. Gesalibar eta Aramaio arteko errepidea itxita egon zen hiru bat orduz, errepide erdira eroritako zuhaitzak kendu bitartean. Oraindik errepidea ez dago garbi, eta tentuz gidatzea eskatu dute Aramaioko Udaletik.
