Atzo arratsaldean hasi ziren Arexola eta Arriola auzoetako Santa Marina jaiak etxaflero eta kanpai-errepikekin. Gaur, zapatua, egun meza santuarekin hasi dute eguna. Jarraian, Ibarratik Arexolara bizikleta lasterketa egin dute, eta, arratsaldean, kanpai-jotze demostrazioa eta mus eta briska txapelketak jokatu dira plazan. Txapelketa amaitu ondoren, Arexolatik Arriolara kalejira egin dute auzotarrek, eta, Arexolara heltzean, umeentzako jolasak egin dituzte txikienen gozamenerako.
Eguna amaitzeko, gaueko bederatzietan, parrillada egingo dute plazan, eta afal ostean erromeria izango da Laja II eta Narbaiza trikitilariekin.