Zapatuan hasi zituzten San Juan jaiak Azkoagan, txopoaren igoerarekin. Kontzertua izan zuten gero, eta afarian 50 lagun inguru elkartu ziren. Giro onean hasi zituzten ospakizunak, beraz.
Gaurko egunez, San Juan bezpera, aramaioarrak Azkoagako suaren bueltan elkartu izan dira, baina erabaki dute surik ez piztea, tenperatura altuengatik.
Hala ere, gainontzeko ekintzak egingo dituzte. 18:00etan umeendako jolasak izango dira, 19:30ean parrillada; eta ondoren, trikitilariek girotuko dute gaua.