Azkoaga auzoa prest dago San Juan jaiak hasteko. Zapatuan egingo dituzte lehen ekintzak; txopoaren igoera egingo dute 18:00etan, 19:30ean BB Harper musikariaren emanaldia egongo da, 21:30ean afaldu egingo dute, eta ostean, DJ Goikok jarriko du musika.
Martitzenean, San Juan bezperan, umeendako jolasak egongo dira 18:00etan; parrillada egingo dute 19:30ean; eta 22:30ean sua piztuko dute eta sorgin kalejira egingo dute, trikitilarien laguntzarekin.
Eguaztenean, berriz, 12:00etan hildakoen omenezko meza egingo dute abesbatzarekin eta Alaiak kantu taldearekin. Gero, parrillada egongo da eta 17:00etan briska eta mus txapelketak egingo dituzte –izen-ematea bikoteko, 20 euro–.