Internet konexiorik gabe daude Aramaion

Atzo, martitzena, 15:00etan eten zen Internet konexioa Aramaion eta oraindik ez da bueltatu. Asier Agirre alkateak jakinarazi du konpontzeko zain jarraitzen dutela eta ez dakitela arazoaren zergatia. Dena den, informazioa batu eta erreklamazioa jartzeko asmoa dutela dio, izan ere, Legutioko sahiesbidea egiten hasi zirenetik bizpahiru aldiz joan da Internet konexioa herrian. Laboral Kutxa, esaterako, itxi egin behar izan dute.