Duela aste batzuk, UEMAk, Aramaioko Udalak eta Txirritola Euskara Elkarteak elkarlanean prestatutako galdetegia zabaldu zuten herrian, euskararen egoerari buruz herritarren iritzia jasotzeko. Ekimenak harrera ona izan du, eta guztira ia 50 erantzun bildu dituzte antolatzaileek.
Jasotako datuak aztertzeko eta etorkizunari begira pausoak zehazteko, bi hausnarketa-saio ireki antolatu dituzte. Lehenengoa bihar, eguaztena izango da, eta bigarrena, hilaren 22an; 18:00etatik 20:00etara egingo dituzte udaletxeko osoko bilkuren aretoan.
Saio horietan, euskararen erabileraren indarguneak eta ahulguneak aztertuko dituzte, bai eremuaren arabera, bai adin-tarteen arabera. Gainera, etorkizuneko erronkak identifikatu eta erakundeek —UEMAk, Txirritolak eta Udalak— zein norabidetan jardun beharko luketen ere izango dute hizpide.
Antolatzaileek azpimarratu dute herritarren parte-hartzea funtsezkoa izango dela prozesuan, eta aramaioarrak bi hitzorduetara joan daitezene animatu dituzte.