Parte hartzaileek finalisten artean aukeratu beharko dute: Maddi Agirre, Aroa Arrizubieta, Iñaki Viñaspre, Unai Anda eta, Aramaioko Peru eta Martin Abarrategi anaiak. Asmatzen dutenen artean zozketa egingo da, eta saria otordu bat izango da Aramaioko Iturrieta sagardotegian. Parte hartzeko, beharrezkoa izango da honako inprimaki hau betetzea.
Lehiaketa irekia da, eta edonork parte hartu dezake. Emandako erantzunak izen-abizenekin batera bistaratuko dira, baina gainerako datuak ez dira argitaratuko; irabazlearekin harremanetan jartzeko erabiliko dira soilik. Parte hartzeko epea martxoaren 28ko 13:00etan itxiko da, eta kontuan hartuko da pertsona bakoitzeko erantzun bakarra. Zozketaren irabazlearen izena martxoaren 30ean emango dute jakitera.