Hogei lagun inguru elkartu dira goizean Sastiñan eta batak bestearen iritziak entzunez giro gozoan eta lasaiean egin dute mahaingurua, "gura baino gertuago dauden" indarkeria matxista kasuen aurrean hartu beharreko neurriak edo jarraitu beharreko pausuak elkarrekin adosteko asmoz.
Elkarretaratzea eta manifestuaren irakurketa egin dute gero, Bizente Goikoetxea plazan elkartutako herritarrekin batera eta Lagun Artean dantza taldeko nagusien taldeak gaurko egunerako espresuki sortu duten dantza batekin borobildu dute eguerdiko ekitaldi nagusia. 30 lagun inguru batu dira ondoren elkarrekin bazkaltzeko eta Mamifera pelikula ikusteko gonbidapena egin dute, 19:00etan hasita, kultura etxean egingo duten zinema-kafean ekitaldirako.