Aramaio eta Arrasate lotzen dituen A-2620 errepidearen 30. kilometroan gertatu zen istripua atzo, 20:20ean. Ertzaintzak jakinarazi du autoa errepidetik irten zela eta bi zauritu Debagoieneko Ospitalera eraman zituztela.
Gaur, oraindik ere, Aramaio errekan ikus daiteke autoa –Opel Corsa beltza–, buruz behera. Atzo iluntzean gertatu zen ezbeharra auto-gidariak kontrola galdu eta ibilgailua errekara jausi zenean. Bi zauritu eraman behar izan zituzten Debagoieneko Ospitalera.
Autok errekan jarraituko du garabia etorri eta bertatik ateratzen duenera arte. Ertzaintzaren esanetan espero dena da bihar egitea lan horiek. Ingurua seinaleztatuta dago.
Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!
WHATSAPP: Batu zaitez Goiena albisteen kanalera.
TELEGRAM: Batu zaitez GoienaAlbisteak kanalera.