Martxoaren 3ko elkarteak biniloan editatuko du Idoia Asurmendik Karmele Jaioren letrekin sortutako abestia, Lluis Llachen Campanades a morts ezagunarekin batera.
Gasteizko 1976ko martxoaren 3ko sarraskiaren 50. urteurrenean, Martxoaren 3ko Biktimen Elkarteak memoria bizirik mantentzeko eta egun hartan hildakoak omentzeko beste ereserki musikal baten beharra ikusi du eta Amets berriak sortu du Asurmendik. Abesti horrekin, 50 izango dira egun hartako gertakariak gogoratzeko egindako abestiak, 50. urteurrenarekin bat egiteko elkarteak borobildu nahi izan duen zenbakia, hain zuzen.
Abestiaren lehen bertsioa, hiru minutukoa, entzungai dago Youtuben eta sei minutuko bertsio luzeagoa ere prestatu dute.