Eduki hau partekatzeko esteka arbelera kopiatu da.
Azken urteetako ohiturari jarraituz, aurten ere herritar talde handi bat elkartu da Aramaion, auzorik-auzo ibiltzeko. 80 bat lagun, haur, gazte eta heldu. Guztiak, aterkiarekin, eguraldi eskasari aurre eginez, baina, eztarriak "sano".
2013ra arte, Bizente Goikoetxea abesbatzako kideak ateratzen ziren kantuan, eta 2013an antolakuntza-erreleboa hartu zioten herriko beste talde hauek: Papargorri abesbatzak, Bertso Eskolak, Alaiak kantu taldeak eta Trikitixa Elkarteak. Ordutik hona, haur, gazte zein nagusi, guztiak batera irteten dira santa eskean kantuan.
Bi taldetan banatuko dira herriko hainbat baserritara kantuan egitera joateko. Talde bat Matxinkalera eta Eguzkierripa ingurura joan da eta bestea, berriz, Zalgo, Errotabarri eta Arragarantz. Gero, guztiak bazkaltzeko elkartuko dira Iturrieta sagardotegian. Ostean, erdigunean abestuko dute.