Urkiolara egin du urteko azken ibilaldia Aramaioko Lagunkoiak

Aramaioko Lagunkoiak hilean behin egin ohi du irteera, eta gaurkoan Urkiolan izan dira. Goizeko bederatzietan elkartu dira Aramaioko autobus geltokian herriko 12 lagun Oletatik Urkiolara joateko. Guztira zazpi kilometro inguruko ibilbidea egin dute. "Ibilaldi atsegina izan da eta elkarrekin asko disfrutatu dugu. Aramaiora itzuli garenean, jubilatuen elkartean hamarretako bikaina geneukan itxaroten, eta oso gustura egon gara".