Euskararen Egunaren harira, Zuhaitz Gurrutxagaren Nortasun Agiria antzezlana izango da ikusgai gaur, 18:30ean, Aramaioko kultur etxean, eta partxis lehiaketa egingo dute zapatuan, 16:00etan, osoko bilkuren aretoan.
Domekan, Euskararen Egune- ko urteroko herri-lasterketa egingo dute, 12:00etan, Bizente Goikoetxea plazan hasita. Hiru etapatan banatu dute ibilbidea: lehena laburrena izango da, 270 metro; bigarrena, 725 metro; eta luzeenena, 1,6 kilometrokoa. Gainera, azken ibilbideari bi buelta emateko aukera egongo da, 3,2 kilometrora luzatu arte.
Halaber, Debagoieneko AEK-k Korrikako materiala saltzeko postua jarriko du, 12:00etatik 14:00etara, plazan bertan. Korrikako arropaz gain, petoak eros- teko eta Korrika Laguntzaile egiteko aukera egongo da.
Abenduaren 3an, familia osoari zuzenduta, euskarazko mahai-jolasak ezagutzeko aukera egongo da ludotekan, 16:30ean, Jolas molaz egitasmoarekin.