Aramaio, Arrasate, Aretxabaleta, Gasteizko Txukun Lakua, Zaramaga, Adurtza, Agurain, Lapuebla de Labarca, Amurrio, Laudio eta Araiako pilotariak elkartu ditu aurtengo San Martin pilota txapelketak.
Debagoiendarrei dagokionez, alebin B kimuak kategorian, Aramaioko Amets Garciak eta Markel Olaziregik, Aner Cabello eta Sugar Uribetxebarriaren aretxabaletarren aurka jokatu zuten, eta garaipena Aretxabaletara joan zen. Alebin A kimuak kategorian, Oxel Eraña eta Oxel Pildain bikote arrasatearra nagusitu zen. Azkenik, Infantil A haurrak kategorian ere, Arrasatera joan zen garaipena, Imanol Arrietak eta Ibai Osorok osatutako bikoteak, Adurtzakoak mendean hartu baitzituzten.
"Txapelketa oso ona izan da. Giro ona eta laguntasuna nagusi izan dira", adierazi dute Aramaioko Pilota Elkartetik. Partidak "maila onekoak eta ikusteko politak" izan direla ere azpimarratu dute.