Gaurtik domekara bitartean sanmelixenak ospatuko dituzte Gantzaga auzoan, eta adin guztiei zuzendutako egitarau zabala antolatu dute. 19:00etan kanpai errepikekin hasiko dira jaiak, eta 22:30erako, Petti, El Exterminio de la Raza del Mono eta talde sorpresa baten kontzertuak antolatu dituzte. Ostean, Gantza & Roses eta Lady Gantza DJen emanaldiak izango dira.
XVI. Patata Tortilla Txapelketa zapatuan egingo dute, baina aurten, goizera mugitu dute hitzordua, 11:30ean hasiko da. Sari-banaketa 13:00etan egingo dute, eta ostean, bingoa. Aurrez, ordea, 12:00etan, meza izango da. 17:00etan hasita, Mus Txapelketa eta umeendako tailerrak eta puzgarriak izango dira. Eguna amaitzeko, berriz, 23:00etan, su artifizialak eta Tiger Brothersen emanaldia egongo dira.
Domekan, Arrasate Musikaleko txistulari bandak kontzertua emango du, 11:15ean, eta 12:00etan jokatuko dute 43. Gantzaga Saria. 13:00etan, sari-banaketa eta bingoa izango dira.