Udalak 2025eko argazki lehiaketa jarri du martxan, eta aukeratutako argazkiak Udalaren egutegia ilustratzeko erabiliko dira. Parte-hartzaile bakoitzak hiru argazki aurkeztu ahal izango ditu gehienez ere, eta Aramaion egindako argazkiak izan beharko dute; lehenago argitaratu edo saritu gabeak. Bete behar diren beste baldintzak dira horizontalak, 1 MG baino handiagoak eta .jpg formatua izatea. Izena, tokiaren izena eta data ere adierazi behar dira. Berrukitzea onartuko da, jatorrizko konposizioa aldatu gabe. Pertsonen lehen planoak badaude, haien baimena beharko da.
Hilaren 26rako aurkeztu behar dira argazkiak udaletxean edo liburutegian pendrivean edo emailez bidalita aramaiokultura@gmail.com helbidera, partaidearen izen-abizenak, harremanetarako telefonoa eta helbide elektronikoarekin batera.
Irabazle nagusiak 200 euro irabaziko ditu, eta, neguko, udaberriko, udako eta udazkeneko argazki onenek ehuna euro.