Motorren hotsek Aramaioko errepideak hartu zituzten atzo, zapatua, Aramaioko rallysprintean. Lau txanda jokatu zituzten guztira, eta azkarrenak Errezilgo pilotu Aitzol Apalantza eta bere kopilotu Alain Agirre izan ziren Skoda Fabia autoarekin. Bigarren denborarik onena Gorka Idigoras (pilotua) eta Nerea Campos (kopilotua) debagoiendarrek lortu zuten euren Peugeot 208arekin, eta hirugarren Mikel Quintanak eta bere kopilotu Julen Arantzetak lortu zuten euren BMW M3arekin.
Aramaioko probara arte Euskal Herriko rallysprint txapelketako lider joan da Gorka Idigoras eskoriatzarra, baina atzo bigarren egin ostean, aurrea hartu dio sailkapenean Apalantzak. Hala ere, oraindik bi lasterketa gehiago gelditzen dira lehenengo postu hori berreskuratzeko.