Ikasturteari hasiera emateko, azken urteetan bezala, Aramaioko Iturzuri Emakume Elkarteak urteko irteera antolatu du irailaren 20rako. Aurten, Arabako Errioxa bisitatuko dute. 10:00etan abiatuko dira, autobusean, Aramaiotik, eta, 11:00 aldera iritsita, Garcia de Olano upategian bisita gidatua egiteaz gain, ardo dastaketa izango dute. 13:00etan Biasterin egingo dute geldialdia, eta 14:30ean han bazkalduko dute: Errioxako produktuekin prestatutako menu tipikoa.
Irteeran izena emateko azken eguna irailaren 13a izango da, eta parte hartu nahi dutenek 685 72 12 23 telefono-zenbakira deitu edo iturzuri@gmail.com helbide elektronikora idatzi beharko dute. Ibilaldiaren prezioa 50 euro da, bazkideendako; bazkide ez direnek, berriz, 55 euro ordaindu beharko dituzte. Iturzuri Emakume Elkarteak herriko emakumeak animatu ditu parte hartzera, eta adierazi du elkarren artean "egun ederra" pasatzeko aukera izango dutela.