Irailerako hainbat ikastaro antolatu ditu KZgunearen zerbitzuak, eta datorren astean, eskuko telefonoari eta Interneteko erosketei lotutako bi ikastaro eskainiko dituzte. Irailaren 10ean Zure egunerokotasuna hobetuko duten aplikazioak saioa emango da; bi ordukoa izango da. Irailaren 11rako eta 12rako, berriz, Erosketa eta ordainketa segurua Interneten lau orduko ikastaroa antolatu dute.
Saioak 16:00etatik 18:00etara izango dira kultur etxeko KZgunean eta parte hartzea gura duten herritarrek izena eman beharko dute itxasokultura@gorbeialdea.eus helbide elektronikora idatzita irailaren 7rako.