Beste telesail bat grabatuko dute bihar Marixeka inguruan, Innato La serie A.I.E. izenekoa, eta hortaz, A-2620 errepidea, Albinako urtegirako bidea, Marixeka inguruan, trafiko zirkulazioa itxi egingo dute aldizka, 4-5 minutuz norantza bietan, 17 eta 21 kilometroen artean zaratak ekiditeko.
Plano a Plano ekoiztetxea dago Netflixen estreinatuko duten Innato telesailaren atzean, eta ikus-entzunezkoaren zati handi bat Gasteizen grabatu dute. protagonista nagusiak dira Imanol Arias eta Elena Anaya. Sara (Anaya) psikologoa da eta aita (Arias) hiltzaile bat dela jakin eta 25 urtera heriotza berri bati egin beharko dio aurre, aitak eginiko krimen haiei lotuta baitago.