Aramaioko Gaztetxokoak antolatuta, maiatzaren 17an mendi irteera egingo dute Kurtzetatik Leintz Gatzagara. 10:30ean Kurtzetako miradorean elkartuko dira, eta 13:30ean Leintz Gatzagan bazkalduko dute, bakoitzak bere bazkaria eramanda. 17:00etan itzuliko dira. Izena emateko azken eguna domeka izango da.
Bestalde, ekainaren 14an Hontza Extrem-era egingo dute irteera. 11:00etan aterako da autobusa Aramaiotik, eta goiza Hontza Extrem-en igaro eta gero, Otxandion bazkalduko dute, oraingo honetan ere, norberak berea eramanda. 17:30ean itzuliko dira Aramaiora. Izena emateko azken eguna ekainaren 11 izango da.
Izena emateko Whatsapp-eko taldera edo 616 52 96 34 telefono zenbakira idatzi beharko da.
