Apirileko ohiko osoko bilkura gaur egitekoa zuen Aramaioko udalbatzak, baina udal gobernuak jakinarazi duenez, bertan behera geratu da gaurko deialdia eta maiatzaren 8ra atzeratu dute.
Gai zerrendan honako puntuak zeuden jasota: Onartzea, badagokio, aurreko bilkuretako aktak; Landa eraikinek eta beste eraikin batzuetara mantendu beharreko distantziaren egokitzapena 50/2025 dekretuaren arabera; Dirulaguntzen plan estrategikoa 2025-2027; Dirulaguntzen oinarriak onartzeko eskumena alkateari delegatzea; Debagoiena aukeraketa energetikoa 2023. Parte-hartze prozesua burutzeko hitzarmenaren informazioa ematea, eta galderak eta eskaerak.
Hala, Asier Agirre alkateak aurreratu duenez, datorren asteko osoko bilkuran gai horiek lantzeaz gain, beste zenbait puntu ere batuko dituzte gai zerrendara; besteak beste, zinegotzi berriaren kargu-hartzea.
