Eskolako aterpea eraldatzeko herritarren ideia proposamenak nahi dituzte. Horretarako sortuta dagoen batzordeak erabaki du aterpean irudiak, graffitiak eta esaldiak jarriko dituztela. Eta, horietarako, kontuan hartu beharreko irizpide hauek zehaztu dituzte: errespetuzkoak izatea, euskaraz izatea, ingurunearekin bat egitea eta "denok batzen gaituena" izatea.
Ideiak bidaltzeko epea
Proposamenak jasotzeko epea otsailaren 9an bukatuko da. Eta ideia horiek Aramaixo Herri Eskolako helbide honetara bidali beharko dira aramaioeskola@aramaioeskola.eus. Bestela, kultura etxean edota eskolan bertan egongo diren kutxetan ere jasoko dituzte. Gero, herriko artistekin landuko dituzte jasotako lanak.
