Kultura etxean 18:00etan proiektatuko dute gaur Sabin Salaberri musikari eta konpositore aramaioarraren ibilbidea jasotzen duen Ametsak dokumentala.
Sabin Salaberri musikari eta konpositore aramaioarraren bizi-ibilbidea jaso dute bertan. Eta protagonistaren ahotsa jasotzeaz gain, aramaioarra hurbildik ezagutu duten zenbait lagunek ere hitz egiten dute bertan.
Urrezko Zeledonak elkarteak, Inspirartek eta Vital Fundazioak elkarlanean egin dute Ametsak ikus-entzunezkoa eta gaurko ekitaldian izango dira Enrike Ruiz de Gorbea –dokumentalaren gidoilaria–, Eloy Gonzalez Gavilán –zuzendaria– eta Jose Mari Velez Mendizabal –Urrezko Zeledonen presidentea edo Aramaioko Seme Kuttuna–. Proiekzioaren ostean, mahai-ingurua egingo dute.
Gasteizen estreinatuta
Irailean estreinatu zuten dokumentala Gasteizko Vital Kutxa Fundazioaren aretoan, eta orain, Salaberriren jaioterrian, Aramaion aurkeztuko dute.
