Jendetsuak izan ziren herrian jokatutako San Martin pilota txapelketako finalak, eta antolatzaileak pozik daude aurtengoak eman duenarekin.
Aurtengo irabazleak
Hainbat kategoriatan sailkatuta jokatu dute gaztetxoek pilota txapelketa eta hauek izan ziren finalean jokatutako partiduen emaitzak: alebin B kimuak kategorian Oinatz Bailez aramaioarrak eta Legutioko Mattin Agirrek 22-14 garaitu zituzten Ilia Melgizo eta Aimar Prieto; alebin A kimuak kategorian, Aimar Fernandez de Olano eta Mikel Bombin bikoteak 22-15 irabaztea lortu zuten, Gaizka Sanchezen eta Gartzen Larrazabalen kontrako partiduan; infatil B haurrak kategorian, Egoi Garcia eta Erlaitz Condek 22-16 egin zuten Oier Ozaetaren eta Eder Mauleonen kontra; infantil A haurrak kategorian, Oihan Rafaelek eta Aritz Gaviñanek 16-22 galdu zuten Eñaut Espadaren eta Erlantz Saez de Asteasuren kontra; benjamin B mailan, Aguraingoak izan ziren irabazle; kadete B gaztetxoak mailan, benjamin A mailan eta kadete A gaztetxoetan, berriz, Txukun Lakuakoak izan ziren irabazle.
