Lehenengoz hartuko du parte Papargorri abesbatzak horrelako topaketa batean, eta ilusioz daude. Abesbatzen topaketa egingo dute zapatuan eta Zegamako Orkatz abesbatzakoak joango dira Aramaiora. Egun osoko egitaraua dute, hasteko jokoak eta bestelako ekintza batzuk izango dituztelako, bazkaria ere egingo dute, eta eguna borobiltzeko kontzertua eskainiko dute kultura etxean, 18:00etan.
Bi abesbatzek banan abestuko dituzte kantu batzuk lehenengo, eta bukaeran, elkartuta, guztiek batera kantatuko dute.
Aurten, Zegamakoen bisita jasoko dute Aramaion, eta datorren urtean Papargorrikoak joango dira Zegamara abestera.
