Zortzi bertsolari izango dira Aramaioko Bertso Eskolak eta Udalak antolatu duten aurtengo Kopla Txapelketan: Durangoko Igor Elortza, Berako Ekhiñe Zapiain, Abadiñoko Aitor Bizkarra, Urretxuko Amaia Iturriotz, Lesakako Erika Lagoma, Añorgako Unai Gaztelumendi, Gasteizko Eli Zaldua eta Lesakako Josu Sanjurjo.
Orain artean bezala, bi zatitan jokatuko da Kopla Txapelketa: 19:30etan Goiko Taberna zenaren parean elkartuko dira egubakoitzean zortzi bertsolariak, eta lehen ariketak kalean egingo dituzte.
Bigarren zatia, afalostekoa, Aramaioko Eskolan jokatuko da, bertako jangelan afalduko baitute parte-hartzaile eta bertsozaleek.
Musikariek lagunduta, zortzi bertsolariak hasiko dira kantuan, eta bi bertsolari sailkatuko dira buruz burukora. Bi saioak aurkezteko ardura bertso-eskolako kideek izango dute.
Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!
WHATSAPP: Bidali ALTA 688 69 00 07 telefono zenbakira –Whatsapp bidez–.
TELEGRAM: Batu zaitez @GoienaAlbisteak kanalera.
Zure posta elektronikoan asteburuko albiste nabarmenekin osatutako mezua jasoko duzu. Harpidetu zaitez debalde hemen.
