Asteburu honetan izan dira Aramaioko Gantzaga auzoko jaiak, eta giro ederrean igaro dituzte herritarrek.
Barikuan kanpai errepika eta txapliguak eduki zituzten, baita kontzertu akustikoa eta afaltzeko zizka-mizkak ere. Gaua Tiger Brothers DJekin bukatu zuten.
Larunbatean ere izan zituzten kanpai errepika eta txapligueak. 12:00etan meza nagusia izan zen, eta 13:00etan bermut dantza eta bingoa. Arratsaldean, mus txapelketa izan zuten. 18 bikotek hartu zuten parte, eta Aitzol Gardoki eta Iñaki Larrañagak irabazi zuten. Patata tortila txapelketa, berriz, Xabi Crespo, Unax Crespo eta Maria Tijerok irabazi zuten, aurkeztu ziren 10 tortilen artean. Txirrindulari lasterketan, berriz, 30 parte hartzaile egon ziren, eta Aratz Larrañaga, Iñigo Peñalba eta Nile Agirretxe izan ziren irabazleak.
