Kanpai jotzearekin eta etxafuegoekin hasiko dira jaiak Untzillan, bihar, egubakoitza, 19:00etan. Gero, bertso afaria egingo dute elkartean Sustrai Colina, Onintza Enbeita eta Xabi Igoa bertsolariekin.
Zapatuan, auzoan hildakoen aldeko meza izango da eguerdian, eta ondoren, puzgarriak egongo dira, trikitilarien doinuekin alaituta. Auzo bazkaria ere egingo dute elkartean eta arratsaldean mus txapelketa, Naita Kontu eta Kanta ikuskizuna, parrillada eta txokolatada izango dira. Elustondo anai-arreben dantzaldia ere egingo dute, eta baita, bolo txapelketa ere.
Domekan, meza eta bermouth dantza izango dira.
