Barajuen auzoko urbanizazioaren exekuzio proiektua onartu du udalbatzak eta Aramaioko alkate Asier Agirrek azaldu du lan horiekin beharrezko azpiegiturak baserrietara sartuko liratekeela; telekomunikazioak, udal-argiteria berriak eta saneamentuak, eta horrez gain, auzoko zorua berritu eta oinezkoendako gertatuko dela. "Aramaio moduko herri batendako, inbertsio handia suposatuko du horrek, bi milioi euro inguru beharko direlako", zehaztu du alkateak.
Statkraft enpresaren plan berezia
Bestetik, Statkraft enpresa norvegiarrak Eskoriatza eta Aramaio artean eraiki asmo duen Itsaraz parke eolikoa dela-eta, Aramaiok ez zuen onartu Statkraftek Itsaraz Parke Eolikoaren plan berezia izapidetzea, eta horren aurkako errekurtsoa aurkeztu zuen Statkraft enpresa norvegiarrak. Bada, udalak beste txosten juridiko batekin erantzun dio orain.
