Ikurrinaren igoerarekin eta etxafuegoekin emango diete hasiera gaur, egubakoitza, sanmigelei Etxaguenen, 19:00etan. Gauean, bertso afaria egingo dute, Arkaitz Estiballesekin eta Peru Abarrategirekin.
Bihar, zapatua, auzoan hildakoen aldeko meza esango da eguerdian. Arratsaldean, mus txapelketa eta neska-mutikoendako puzgarriak eta jolasak izango dira. DJ Tigers Brothers-ek girotuko du gaua eta bolo txapelketa egingo dute.
Domekan, jubilatuendako luntxa, herri bolo eta briska txapelketak, puzgarriak eta ohe elastikoak, txokolate-jana eta gazte bolo txapelketa egingo dira.
