Irailaren 21ean egingo dute Aitor Arana XXVIII. mendi martxa Orixol Mendizale Elkarteak antolatuta eta ibilbide luzearen eta motzaren artean aukeratu ahal izango dute parte-hartzaileek.
Luzeak 22 kilometro eta 1.200 metroko desnibela ditu eta mendizaleak 07:30ean abiatuko dira frontoitik. Motzak, berriz, 15 kilometro ditu eta 800 metroko desnibela. Hauek 08:00etan aterako dira frontoitik.
Izen-ematea
Parte hartu nahi dutenek galdetegia beteta eman beharko dute izena irailaren 19a baino lehen. Modu horretan apuntatzen direnek, sei euroko transferentzia egin beharko dute ES29 3035 0161 28 1611005178 kontu korrontera, eta galdetegian txertatu beharko dute ordainagiria. Transferentziako kontzeptuan norberaren izen-abizenak jarri behar dira.
Dena den, egunean bertan ere egongo da aukera izena emateko frontoian bertan. Kasu horretan, hamar euro ordaindu beharko dira.
