Atzo, zapatua, jokatu zuten Aramaioko rallysprinta. 12:00etan hasita, lau txanda jokatu zituzten; horietako bi noranzko batera eta beste bi, alderantzizko noranzkoan, Uribarri, Arexola, Arriola, Etxaguen, Gantzaga eta Arraga auzoetatik, besteak beste.
Aitzol Apalantza eta Olatz San Miguel (Hyundai i20 R5) izan ziren azkarrenak (20' 24''). Bigarren sailkatu ziren Iker Etxeberriak eta Alain Agirrek (BMW M3 E36), berriz, ia minutu bat gehiago behar izan zuten proba osatzeko (21' 12''). Halaber, Gorka Idigorasek eta Mikel Odriozolak (Renault Clio Sport) gertu izan zuten bigarren postua (21' 21'').
Horiez gain, erregulartasun sariak ere banatu zituzten. Hemen ikusgai.
Rallysprintak emandakoaren gaineko informazio osatua bihar, astelehena, Harmailatik saioan, 19:30ean.
