Argindar instalakuntzaren "kalitatea eta fidagarritasuna hobetzeko" helburuarekin, Labeagagoikoa baserriaren eta Etxaguen artean egiten ari diren obra dela-eta, argi mozketak egingo dituztela iragarri du Aramaioko argindar banatzailea den Ion Errastik. Argi mozketek eragina izango dute zehazki Etxaguen eta Gantzaga auzoetan.
Moztuko duten potentzia 150 KVA izango dela adierazi du Errastik. Azpimarratu nahi izan du gainera, hornidura aldez aurretik jakinarazi gabe berrezarriko dutela, eta horren ondorioz, esku-hartzeak irauten duen bitartean aparatu elektrikoak deskonektatzea gomendatu du.
Uztailaren 30ean
Uztailaren 30ean egingo duten esku-hartzea Etxaguen auzoan izango da 09:00etatik 09:30etara bitartean, eta horren ostean, Gantzaga auzoan 09:30etatik 10:00etara egingo dute.
Abuztuaren 3an
Abuztuaren 3an, berriz, Etxaguen auzoan 12:00etatik 12:30etara bitartean moztuko dute argindarra eta Gantzagan 12:30etatik 13:00etara
